انڈین مندر کے تہہ خانے کا خوفناک راز؟ 100 لڑکیوں کے قتل کا دعویٰ کرنے والا شخص گرفتار، کھوپڑی برآمد

Knowledge tv 

دھرم استھلا مندر کیس: ریپ اور قتل کے لرزہ خیز الزامات یا کوئی بڑی سازش؟

 ایس آئی ٹی کی تحقیقات میں نیا موڑ

کرناٹک (نالج ٹی وی ویب ڈیسک): 

بھارت کی ریاست کرناٹک کے مشہور مذہبی قصبے دھرم استھلا میں اس وقت کہرام مچ گیا جب مندر کے ایک سابق ملازم نے 100 سے زائد لڑکیوں کے ریپ اور قتل کے بعد انہیں دفنانے کا سنسنی خیز دعویٰ کر دیا۔ تاہم، تازہ ترین پیش رفت میں پولیس نے اس شخص کو 'جھوٹے بیانات' دینے کے الزام میں گرفتار کر لیا ہے۔

چونکا دینے والے انکشافات:

خود کو مندر کا سابق صفائی ملازم ظاہر کرنے والے اس شخص نے مجسٹریٹ کے سامنے بیان دیا کہ وہ 1995 سے 2014 تک یہاں کام کرتا رہا۔ اس کا الزام ہے کہ اسے زبردستی ایسی لڑکیوں کی لاشیں دفنانے پر مجبور کیا گیا جنہیں زیادتی کے بعد قتل کیا گیا تھا۔ ثبوت کے طور پر اس شخص نے ایک انسانی کھوپڑی بھی پیش کی، جس کے بعد حکومت نے خصوصی تحقیقاتی ٹیم (SIT) تشکیل دی۔

ایس آئی ٹی (SIT) کی کارروائی اور گرفتاری:

خصوصی ٹیم نے جب ان 13 مقامات کی کھدائی کی جن کی نشاندہی اس شخص نے کی تھی، تو وہاں سے انسانی ہڈیاں اور باقیات برآمد ہوئیں۔ تاہم، پولیس حکام کا کہنا ہے کہ یہ کھوپڑی اور ہڈیاں اس جگہ سے نہیں لائی گئیں جہاں کا دعویٰ کیا گیا تھا۔ اسی بنیاد پر اس شخص کو 'دروغ حلفی' (جھوٹا بیان دینے) کے جرم میں گرفتار کر لیا گیا ہے۔

🚨 Breaking News: امریکی رپورٹ میں بڑا انکشاف! بھارت میں مذہبی آزادی خطرے میں؟ آر ایس ایس اور را پر پابندی کی تجویز

سیاسی اور مذہبی حلقوں میں ہلچل:

مندر انتظامیہ کا موقف: مندر کے موروثی منتظم ہیگڑے خاندان نے ان الزامات کو یکسر مسترد کرتے ہوئے اسے 'ناممکن' اور 'بدنام کرنے کی مہم' قرار دیا ہے۔

سیاسی جنگ: بی جے پی نے اسے ہندو مقدس مقامات کے خلاف سازش قرار دیا ہے، جبکہ کانگریس حکومت کا کہنا ہے کہ وہ صرف سچ سامنے لانا چاہتے ہیں۔

نالج ٹی وی تجزیہ:

کیا یہ واقعی کسی بڑے جرم پر پردہ ڈالنے کی کوشش ہے یا محض ایک شخص کی شہرت حاصل کرنے کی چال؟ فرانزک رپورٹ آنے کے بعد ہی واضح ہو سکے گا کہ برآمد ہونے والی ہڈیاں کتنی پرانی ہیں اور ان کا تعلق کن افراد سے ہے۔

👈۔           واٹس ایپ پر شئیر کریں ✅